عظمیٰ نیوزسروس
رام بن //ایک جامع جائزہ میٹنگ میں جس کا مقصد اسمبلی حلقہ انتخابات کی تیاریوں کا جائزہ لینا تھا ،میںایس ایس پی رامبن کلبیر سنگھ نے انتخابی تیاریوں سے متعلق مختلف اہم پہلوؤں پر بات چیت کی۔میٹنگ میں گورو مہاجن-اے ایس پی رام بن، ضلع رامبن کے گزیٹیڈ افسران، ضلع میں تعینات سی آر پی ایف، سی آئی ایس ایف اور بی ایس ایف کے ایڈہاک کمانڈنٹ نے شرکت کی۔میٹنگ میں پولنگ کے مقامات اور بوتھوں کے لیے حفاظتی انتظامات، اسٹرانگ رومز کی حفاظت کو یقینی بنانے، ای وی ایم مشینوں کے لیے لاجسٹکس، ٹرانسپورٹیشن پروٹوکول، مواصلاتی حکمت عملی، امن و امان کی بحالی، ہنگامی حالات کے لیے معیاری آپریٹنگ طریقہ کار، اور نگرانی جیسے موضوعات پر تفصیلی بات چیت ہوئی۔شرکاء کو ہدایت دی گئی کہ وہ انتخابی عمل میں شامل سول انتظامیہ اور دیگر سینٹرل آرمڈ پولیس فورسز کے ساتھ مل کر کام کریں تاکہ انتخابات کے پرامن انعقاد کو یقینی بنایا جا سکے، اور ملک دشمن عناصر کی طرف سے منصوبہ بند تخریبی سرگرمیوں پر چوکسی برقرار رکھنے کی اہمیت پر زور دیا۔رپورٹنگ کے طریقہ کار کی تقویت، خاص طور پر پولیس کنٹرول رومز کو مضبوط بنانے کے ذریعے، کو ایک ترجیح کے طور پر اجاگر کیا گیا۔
