رمیش کیسر
راجوری//فوج کی ’ایس آف اسپیڈز ڈویژن کے زیر اہتمام آپریشن سدبھاؤنہ کے تحت ہونے والا والی بال ٹورنامنٹ منگل کے روز اختتام پذیر ہو گیا۔یہ ٹورنامنٹ راجوری ضلع کے نوشہرہ سیکٹر میں لائن آف کنٹرول (ایل او سی) کے قریب منعقد ہوا، جس میں خطے کی مختلف ٹیموں نے حصہ لیا۔ایس آف اسپیڈز ڈویژن نے اس نوشہرہ پریمیئر لیگ والی بال ٹورنامنٹ کے شاندار فائنل کی میزبانی منگل کو لوئر گڑھی گیریژن میں کی، جو سرحدی تحصیل نوشہرہ میں منعقد ہوا۔فوج کے مطابق یہ ٹورنامنٹ کھیل کے جذبے کو فروغ دینے اور نوجوانوں کو سرگرم کرنے کے لئے ایک اہم پلیٹ فارم فراہم کرتا ہے اور فوج اور مقامی کمیونٹی کے درمیان تعلقات کو مزید مستحکم کرتا ہے۔ٹورنامنٹ کے دوران راجوری کے مختلف دیہات کی نمائندگی کرنے والی چودہ ٹیموں نے لڑکوں اور لڑکیوں کے زمرے میں شاندار مہارت اور عزم کا مظاہرہ کیا۔شدید لیگ میچوں کے بعد فائنل لڑکوں کے زمرے میں بانگوتی بمقابلہ راجپور ٹائٹن ٹیم، جموں، اور لڑکیوں کے زمرے میں حلال بمقابلہ خان ٹیم کے درمیان کھیلا گیا۔یہ اقدام نہ صرف نوجوانوں کی کھیلوں میں شرکت کی حوصلہ افزائی کے فوج کے عزم کو اجاگر کرتا ہے بلکہ ابھرتے ہوئے ٹیلنٹ کی نشاندہی کرنے اور انہیں اپنی مہارتوں کے مظاہرے کا موقع فراہم کرنے میں بھی مددگار ثابت ہوا۔فوج نے کھلاڑیوں کی شناخت کی ہے جنہیں پیشہ ورانہ کوچنگ فراہم کی جائے گی تاکہ کمیونٹی کا قرض چکایا جا سکے۔فائنل میچوں میں نوجوانوں کی صلاحیت اور جذبے کا مظاہرہ کرتے ہوئے توانائی اور جوش کا شاندار نظارہ پیش کیا گیا۔ اس ٹورنامنٹ کا اختتام فوج کے تعاون، پیشہ ورانہ مہارت، اور کھیل کے جذبے کو فروغ دینے کے عزم کی عکاسی کرتا ہے۔نوشہرہ پریمیئر لیگ ایک یکجہتی کا ایونٹ ثابت ہوا، جس نے کمیونٹی کو اکٹھا کیا اور نوجوان ذہنوں کو میدان کے اندر اور باہر دونوں جگہ بہترین کارکردگی کا مظاہرہ کرنے کی تحریک دی۔مزید برآں، فاتح اور رنر اپ ٹیموں کو چیف گیسٹ کی جانب سے سرٹیفکیٹ، میڈل، ٹرافی اور ہر زمرے کے لئے پرکشش نقد انعام سے نوازا گیا۔تقریب کو مزید شاندار بنانے کیلئے آپریشن سدبھاؤنہ کے تحت “تیتھوال واریئرز” کے زیر اہتمام گٹکا ٹورنامنٹ بھی منعقد کیا گیا۔
