عظمیٰ نیوز سروس
راجوری//فوج نے راجوری کے دور دراز علاقوں میں صحت کی سہولیات فراہم کرنے کے لئے باریاما گاؤں میں موبائل میڈیکل گشت کا انعقاد کیا۔ اس اقدام کا مقصد مقامی افراد اور گجر و بکروال برادری کے طبی مسائل کو حل کرنا تھا جو اپنے جغرافیائی مقام اور دشوار گزار راستوں کے باعث مرکزی صحت کے نظام سے کٹ جاتے ہیں۔اس اقدام نے ان علاقوں کے افراد کی صحت و بہبود میں اہم کردار ادا کیا، جہاں صحت کی سہولتوں کی کمی کے باعث بیماریوں اور شرح اموات میں اضافہ دیکھا جاتا ہے۔ موبائل میڈیکل گشت نے ضروری طبی سامان اور خدمات کے ساتھ ان علاقوں تک پہنچ کر ہمدردی کے ساتھ علاج فراہم کیا۔ اس اقدام کا بنیادی مقصد فوری طبی معائنہ، عام بیماریوں کا علاج اور ضروری دواؤں کی تقسیم کرنا تھا۔طبی ٹیم نے حفاظتی تدابیر پر زور دیتے ہوئے حفاظتی ٹیکے لگانے، صفائی، تغذیہ اور بیماریوں سے بچاؤ کے حوالے سے آگاہی فراہم کی۔ مقامی افراد نے اس اقدام کو نہایت مثبت انداز میں سراہا اور بھارتی فوج اور سول انتظامیہ کی اس کوشش پر گہری تشکر کا اظہار کیا۔موبائل میڈیکل گشت نے نہ صرف فوری طبی فوائد فراہم کیے بلکہ بھارتی فوج، سول انتظامیہ اور مقامی برادریوں کے درمیان تعلقات کو مضبوط بنانے میں بھی اہم کردار ادا کیا۔
