پرویز احمد
سرینگر //جموں و کشمیر میں عیدالضحیٰ کے تین دنوں کے دوران کورونا وائرس سے 198افراد متاثر ہوئے ، جن میں جموں صوبے میں 101جبکہ کشمیر میں97افراد کو مثبت قرار دیا گیا ۔ عیدالضحیٰ کے پہلے دن 88، دوسرے دن 39 جبکہ تیسرے دن منگل کو 71افراد کو مثبت قرار دیا گیا ۔ متاثرین کی مجموعی تعداد 4لاکھ 56ہزار151ہوگئی ہے۔
اس دوران کورونا وائرس سے کسی کی موت نہیں ہوئی ہے۔ متوفین کی مجموعی تعداد4758بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں پچھلے 3دنوں کے دوران کورونا وائرس کی تشخیص کیلئے 24ہزار 473ٹیسٹ کئے گئے جن میں 198افراد کی رپورٹیں مثبت آئی ہیں۔ مثبت قرار دئے گئے 198افراد میں جموں صوبے میں 101جبکہ کشمیر میں97افراد کو مثبت قرار دیا گیا ہے۔ کشمیر صوبے کے 5اضلاع جن میں پلوامہ، کپوارہ، اننت ناگ، گاندربل اور شوپیان میں کسی کی رپورٹ مثبت نہیں آئی ہے جبکہ دیگر 5اضلاع میں 97افراد کو مثبت قرار دیا گیا ہے جن میں سرینگر میں 77، بارہمولہ میں3، بڈگام میں9، بانڈی پورہ میںاور1کولگام میں 7افراد کی رپورٹیں مثبت آئی ہیں۔ متاثرین کی مجموعی تعداد 2لاکھ 88ہزار 454ہوگئی ہے۔ اس دوران وادی میں مسلسل 15ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2425بنی ہوئی ہے۔ جموں صوبے کے 2اضلاع جن میں ڈوڈہ اور ریاسی شامل ہیں، میں کسی کی رپورٹ مثبت نہیں آئی ہے جبکہ دیگر 8اضلاع میں تین دنوں کے دوران 101افراد کو مثبت قرار دیا گیا ہے۔
مثبت قرار دئے گئے افراد میں ضلع جموں میں سب سے زیادہ 86، ادھمپور میں 8،،راجوری میں 2، کٹھوعہ میں 1، سانبہ میں 1، کشتواڑ میں 1، پونچھ میں 1 اور رام بن میں بھی 3افراد کی رپورٹیں مثبت آئی ہیں۔ جموں صوبے میں متاثرین کی مجموعی تعداد 1لاکھ 67ہزار697ہوگئی ہے۔
