عظمیٰ نیوز سروس
جموں// چیف سکریٹری اٹل دلو نے کل یہاں ایک اجلاس میں جموں و کشمیر میں مختلف تجارتی اداروں اور صنعتی ایسوسی ایشنوں کے مندوبین اور شرکاء کے ساتھ بات چیت کی صدارت کی۔بات چیت میں پرنسپل سیکرٹری خزانہ، کمشنر سیکرٹری صنعت و تجارت، ڈویژنل کمشنر جموں ، ایم ڈی جے کے ٹی پی او، ایم ڈی ہینڈلوم اینڈ ہینڈی کرافٹس، ایم ڈی سڈکو، ایم ڈی ایس آئی سی او پی، ایم ڈی ایگرو اور دیگر اہم تعلق داروںنے بھی شرکت کی۔بات چیت کے دوران، مختلف تجارتی اداروں اور صنعتی انجمنوں کے سربراہان اور نمائندوں نے چیف سکریٹری کے سامنے مسائل کا ایک سپیکٹرم پیش کیا۔جن موضوعات پر تبادلہ خیال کیا گیا ان میں لیز ڈیڈز کی مدت میں توسیع، جی ایس ٹی پر نظرثانی، پاور ایمنسٹی، ٹرن اوور مراعات، جموں ڈویژن میں سیاحتی مقامات کو فروغ دینا، مقامی صنعتوں کے لیے مراعات، بجلی کی باقاعدہ فراہمی کو یقینی بنانا، بجلی کی بروقت فراہمی، انڈسٹریل اسٹیٹس کی ترقی، دستکاری کے شعبوں کے لیے مراعات خاص طور پر برآمد، مہارت کی ترقی اور سنگل ونڈو میکانزم کو مکمل طور پر فعال کو یقینی بنانا شامل ہیں۔بات چیت میں کان کنی کے لیے زیر التواء ماحولیاتی منظوریوں اور پروجیکٹ کلیئرنس کمیٹی کے قیام پر بھی بات ہوئی۔نمائندوں نے قیمتی تجاویز پیش کیں اور چیف سکریٹری نے صنعت و تجارت کو درپیش مختلف چیلنجوں پر مجوزہ اقدامات پیش کیے، اٹھائے گئے خدشات پر توجہ دی، وفود اور نمائندوں کو یقین دلایا کہ زیر بحث تمام معاملات کو جلد از جلد حل کیا جائے گا۔ انہوں نے امید ظاہر کی کہ یہ بات چیت مسائل کو حل کرنے اور تجارت اور صنعت کے اسٹیک ہولڈرز کو درپیش رکاوٹوں کو دور کرنے کے لیے ایک تعمیری پلیٹ فارم کے طور پر کام کرے گی۔
