سرینگر //ضلع انتظامیہ سرینگر نے مزید 11علاقوں کو محدود پابندی والے علاقوں میں شامل کرلیا ہے اور اسطرح وادی میں ابتک 94علاقوں پر محدود پابندیاں عائد کردی گئی ہیں۔ بدھ کو سرینگر کے شیو پورہ، نگین، حضرتبل، تیل بل، بربرشاہ، جڈی بل، زینہ کوٹ،سعدہ کدل، قمرواری، بمنہ اور عیدگاہ کو محدود پابندیوں والے علاقوں کے زمرے میں شامل کیا گیا ہے اور اسطرح سرینگر شہر میں ابتک 51علاقوں پر محدود پابندی عائد کی گئیں ہیں۔ اس سے قبل پارمپورہ، زونی مر، پیرباغ، گلاب باغ، جواہر نگر ، بوٹ مین کالونی بمنہ، مہجورنگر،کشمیر یونیورسٹی کے مین کیمپس ، شیخ العالم کالونی ( حیدرپورہ) ، ہمدانیہ کالونی سیکٹر 5بمنہ، ایچ آئی جی کالونی لین نمبر 3بمنہ، عثمانیہ کالونی بمن، بی بی کینٹ بادامی باغ، بیگ محلہ آلوچی باغ ، مخدوم محلہ بٹہ پور،نواب باغ نزدیک بہرار اسپتال لال بازار، لین نمبر 1عمر کالونی (ائے )لال بازار نزدیک رہ مسجد، عمر کالونی( اے) لال بازار لین نمبر 3نزدیک جی ڈی گوائنکا سکول ، زند شاہ مسجد کاٹھی دروازہ ، سنگین دروازہ ہاکہ بازار،گلشن محلہ عثمان آباد حولوازہ باغ حیدرپورہ، ستھرا شاہی نزدیک حول ، ستھر ا شاہی نزدیک سیول سیکریٹریٹ،ایس ڈی اے کالونی بٹہ مالو نزدیک ٹیلنٹ سکول، قمر آباد بمنہ نزدیک صدیق لین ابو بکر مسجد بمنہ علاقے کو محدود پابندی والے علاقوں میں شامل کیا گیا ہے۔یہ بات قابل ذکر ہے کہ بارہمولہ ضلع میں پہلے ہی 35علاقوں کو محدود پابندی والے علاقوں کے زمرے میں شامل کیا گیا ہے جن میںسوپور میں10، ٹنگمرگ میں 4،پٹن میں 2اور مین بارہمولہ میں 19علاقوں کو محدود پابندی والے علاقے میں شامل کیا گیا ہے۔ سوپور میں 10علاقوں جن میں آرم پورہ، بومئی ،وارپورہ، جلال آباد،چھنہ کھن،برتھ کلان، اچھ بل، نائو پورہ، سنگرامہ، تار، کے 2علاقوں میںڈار محلہ پلہالن، بٹ محلہ وائلو شامل ہیں۔ٹنگمرگ کے 4محدود پابندیوں والے علاقوں میں فیروز پورہ،سونلی پورہ، اقبال کالونی، کھار پورہ ،باررہمولہ کے شیری میڈیکل بلاک کے تحت آنے والے علاقوں میں خوجہ محلہ اور رنگوار کے متعلقہ علاقے، کانلی باغ(مائکرو وئے)، نور باغ شیری اور کنٹھ باغ شیری سے تعلق رکھتے ہیں۔ اس سے قبل 19 کو بارہمولہ کے خواجہ باغ لوور( پیٹرول پمپ سے جٹی تک) ، چیک کانسپورہ، سنگری کالونی، دیوان باغ، دلنہ( قاضی محلہ، راوت پورہ، دلنہ گھاٹ اور ملت کالونی) ، شیروانی کالونی اور لون محلہ فیروز پور شامل ہیں ۔
شہر کے مزید 11علاقوں پر محدود بندشیں
