سرینگر//جنوبی ضلع شوپیان میں بدھ کی صبح فورسز کے ساتھ معرکہ آرائی کے دوران دو جنگجو جاں بحق ہوگئے۔
یہ معرکہ آرائی سوگن گاﺅں میں گذشتہ شام دیر گئے شروع ہوئی تھی اور رات بھر چلنے والی اس جھڑپ میں دو جنگجو جاں بحق ہوگئے۔
نیوز ایجنسی جی این ایس کے مطابق تاہم جاں بحق جنگجوﺅں کی شناخت فوری طور پر نہیں ہوئی ہے۔
سوگن میں فورسز نے گذشتہ رات اندھیرا ہونے کی وجہ سے اپنا جنگجو مخالف آپریشن ملتوی کیا تھا لیکن آج صبح اس کو بحال کیا گیا۔
پولیس کا حوالہ دیتے ہوئے جی این ایس نے لکھا کہ محصور جنگجوﺅں کو سرنڈر کرنے کی پیشکش کی گئی تھی جو انہوں نے ٹھکرادی۔
آخری اطلاعات ملنے تک علاقے میں فورسز کا تلاشی آپریشن جاری تھا۔
اس سے قبل گذشتہ شام پولیس ،فوج اور سی آر پی ایف اہلکاروں نے مشترکہ طور علاقے کو محاصرے میں لیکر تلاشی آپریشن شروع کیا جس کے دوران طرفین کا آمنا سامنا ہوا اور اس طرح معرکہ آرائی شروع ہوگئی۔
