شب معراج پرانتظامات میسر رکھیں

 سرینگر//نیشنل کانفرنس جنرل سکریٹری علی محمد ساگر نے انتظامیہ سے اپیل کی ہے کہ وہ شب معراج کی تقریب کے دوران درگاہوں، زیارتگاہوں ، مساجد اور خانقاہوں میں زائرین کیلئے بغیر خلل بجلی، پینے کا پانی، صحت وصفائی اور معقول ٹرانسپورٹ انتظام کرنے کے ساتھ ساتھ طبی سہولیات دستیاب رکھیں۔ انہوںنے کہاکہ خصوصی طور درگاہ حضرت بل، آثار شریف شہری کلاش پورہ، جناب صاحب صورہ، لالبازار، پنجورہ شوپیان، اہم شریف بانڈی پورہ ، کعبہ مرگ اننت ناگ، کھرم سرہامہ، ڈانگرپورہ نرورہ، آستان شاہ نقشبند صاحبؒ سیدواری، اور آستان امام عالم نائد کدل میںسہولیات مسیر رکھی جائیں۔ ساگر نے وقف بورڈ حکام سے اپیل کی کہ وہ عقیدت مندوں کیلئے مؤثر اور مناسب اقدامات کریں۔ اِدھر ایم ایل اے پہلگام الطاف احمد کلو، ایم ایل سی ڈاکٹر بشیر احمد ویری ،ایم ایل سی شوکت حسین گنائی، سینئر لیڈر شیخ محمد رفیع، ضلع صدر بارہمولہ جاوید احمد ڈار اور میر غلام رسول ناز سابق ایم ایل اے بانڈی پورہ نے شب معراج پر انتظامات دستیاب رکھنے کی اپیل کی ۔