عظمیٰ نیوز سروس
سانبہ/جموں// جموں و کشمیر کے سانبہ ضلع میں پولیس اہلکار ظاہر کرنے کے بعد ایک شخص کو زخمی کرنے اور لوٹنے کے الزام میں دو بھائیوں کو گرفتار کیا گیا۔ سانبہ کے ایس ایس پی ونے کمار شرما نے بتایا کہسمیل پور کے رہنے والے ملزم بچن لال اور لولی کمارنے مبینہ طور پر اس شخص کو روکا اور اسے ایک کیس کی ‘تفتیش’ کے لیے اپنے ساتھ بڑری برہمنہ علاقہ کے ایک پولیس اسٹیشن جانے کو کہا۔انہوں نے کہا کہ متاثرہ شخص کو ملزمان کی اصل شناخت کے بارے میں شک ہوا، جنہوں نے مبینہ طور پر اس پر تیز دھار ہتھیاروں سے حملہ کیا اور اسے لوٹنے کے بعد موقع سے فرار ہو گئے۔افسر نے بتایا کہ پولیس نے جرم کے تین گھنٹے کے اندر ملزم کو گرفتار کیا اور دو چاقو، ایک پولیس اور ایک آرمی جیکٹس اور ایک پولیس ٹوپی برآمد کی جو مبینہ طور پر جرم میں استعمال کی گئی تھی۔انہوں نے کہا کہ گرفتار ملزمان کٹر مجرم ہیں اور یہ تحقیقات کا معاملہ ہے کہ آیا وہ ماضی میں اس طرح کے کسی اور واقعے میں ملوث تھے یا نہیں۔
