سری نگر//پولیس نے جمعرات کو شمالی کشمیر کے بارہمولہ ضلع کے سوپور علاقے میں سی آر پی ایف کے بنکر پر مبینہ طور پر پٹرول بم پھینکنے کے الزام میں ایک خاتون کو گرفتار کیا۔
آئی جی پی کشمیر وجے کمار نے بتایا ، " حسینہ اختر نامی خاتون کے خلاف یو اے پی اے کے تحت تین ایف آئی آر درج ہیں۔ وہ لشکر طیبہ کی ایک بالائی ورکر ہے"۔
ایک پولیس افسر نے بتایا کہ حسینہ سال 2008سے10میں دختران ملت کی سربراہ آسیہ اندرابی سے رابطے میں آئی اور انتہا پسند نظریہ اپنایا۔
پولیس نے مزید کہا، ـخاتون کا شوہر محمد یوسف بھٹ پتھرباز تھا اور سال 2016میں 17ماہ کے لیے پی ایس اے کے تحت مقدمہ درج کیا گیا تھا۔
افسر نے مزید کہا، "سال 2019 میں ایک مقدمہ (ایف آئی آر 281/2019 کے تحت (عسکریت پسند) تنظیم لشکر طیبہ کے پوسٹر لگانے پر اس کے خلاف ہندواڑہ میں یو اے پی اے درج کیا گیا تھا۔
اُنہوں نے کہا، اس کے خلاف ایک مقدمہدرج کیا گیا تھا۔ اسے دسمبر 2021 میں ضمانت پر رہا کیا گیا تھا۔ سوپور میں اس واقعے کے بعد وہ گرفتاری سے بچ رہی ہے۔ سوپور پولیس نے اسے گرفتار کر کے تفتیش شروع کر دی۔
