گول//گول کے سنگلدان نیابت میںپیس اینڈ ویلفیئرکمیٹی کی الگ باڈی تشکیل دی گئی ۔ یہ باڈی کمیٹی کے صدر عبدالرشید بیگ کی صدارت میں بنائی گئی جس میں باڈی کے دیگر عہدیداران بھی موجود تھے ۔ اس موقعہ پر علاقہ کے معزز شہریوں و نوجوانوں نے بڑھ چڑھ کر حصہ لیا اور پیس اینڈ ویلفیئر کمیٹی کے بینر تلے علاقہ جات میں امن وامان اور تعمیر وترقی کے لئے کام کرنے کا اعادہ کیا۔ تشکیل دی گئی کمیٹی میں محمد رفیق بٹ صدر ، امر سنگھ نائب صدر اورشیر محمد شیخ جنرل سکریٹری چنے گئے ہیں ۔اس موقعہ پر جنرل باڈی (سب ڈویژن سطح پر)کے صدر عبدالرشید بیگ نے کہا کہ یہ کمیٹی گزشتہ سال پورے سب ڈویژن میں تشکیل دی گئی اور اس کا مقصد علاقہ جات میں تعمیر و ترقی اور امن وبھائی چارے کو قائم رکھنا ہے اور انہیں یہ محسوس ہوا کہ جنرل کمیٹی دوردراز علاقوں میں بھی چھوٹی چھوٹی کمیٹیوں کا قیام عمل میں لایا جائے گا تا کہ علاقہ جات میں کمیٹی بہتر طرےقے سے کام کرے ۔اس موقعہ پر سنگلدان کمیٹی کے صدر نے کہا کہ علاقہ جات میں تعمیر و ترقی اور امن وامان کو بحال رکھنے کے لئے یہاں پر کوئی بھی غیر سیاسی تنظیم کام نہیں کر رہی تھی اور انہیں خوشی ہے کہ آج یہاں اس جنرل کمیٹی نے سنگلدان نیابت سطح پر کمیٹی تشکیل دی ہے ۔انہوںنے کہاکہ وہ امید کرتے ہیںکہ اس کمیٹی میں موجود نوجوان بھر پور تعاون دیں گے اور علاقہ جات میں بہتر طرےقے سے کام کریں گے ۔
سنگلدان میں پیس اینڈ ویلفیئر کمیٹی تشکیل
