عظمیٰ نیوزڈیسک
ریاض//سعودی عرب کے وزیرِ خارجہ فیصل بن فرحان نے کینیڈا اور برطانیہ کے ہم منصبوں سے ملاقات کی ہے۔عرب میڈیا کے مطابق سعودی وزیرِ خارجہ شہزادہ فیصل بن فرحان نے میونخ سیکیورٹی کانفرنس 2024 کے موقع پر کینیڈا کی وزیرِ خارجہ میلانی جولی سے ملاقات کی۔عرب میڈیا کے مطابق ملاقات میں دوطرفہ تعلقات اور باہمی تعاون کو بڑھانے کے طریقوں پر تبادلہ خیال کیا گیا۔عرب میڈیا کے مطابق دونوں ممالک کے وزرائے خارجہ نے باہمی تعاون کو بڑھانے کے طریقوں پر تبادلہ خیال کیا، ملاقات میں باہمی دلچسپی اور بین الاقوامی امور میں تازہ ترین پیش رفت اور اس سلسلے میں کی جانے والی کوششوں پر تبادلہ خیال کیا گیا۔عرب میڈیا کے مطابق اس سے قبل شہزادہ فیصل نے برطانیہ کے سیکریٹری خارجہ ڈیوڈ کیمرون سے بھی ملاقات کی تھی۔اس ملاقات میں دوطرفہ تعلقات اور انہیں مضبوط بنانے کے طریقوں کا جائزہ لیا گیا۔رپورٹس کے مطابق اس ملاقات میں غزہ اور اس کے گرد و نواح کی صورتحال میں تازہ ترین پیش رفت کے ساتھ ساتھ بحران کو کم کرنے کی بین الاقوامی کوششوں پر بھی تبادلہ خیال کیا گیا۔
افغانستان پر اقوام متحدہ کا دوسرا اجلاس دوحہ میں شروع
یواین آئی
دوحہ// قطر کا دارالحکومت دوحہ 17 سے 18 فروری تک اقوام متحدہ (یو این) کے زیراہتمام افغانستان پر دوسرے بین الاقوامی اجلاس کی میزبانی کرے گا۔اقوام متحدہ کے سیکرٹری جنرل انتونیو گوٹیریس افغانستان سے متعلق علاقائی تنظیموں کے خصوصی ایلچی کے ساتھ دو روزہ اجلاس کی صدارت کریں گے۔اس تقریب میں افغانستان کی صورتحال کو مستحکم کرنے کے لیے عالمی برادری کی کوششوں کو مربوط کرنے، افغان عوام کو انسانی امداد کی فراہمی اور ملک کی حکمران طالبان تحریک (دہشت گردی کے لیے اقوام متحدہ کی پابندیوں کے تحت) کے لیے بین الاقوامی نقطہ نظر پر بات چیت پر توجہ مرکوز کی جائے گی۔فی الحال یہ معلوم نہیں ہے کہ آیا طالبان خود اس اجلاس میں شریک ہوں گے کیونکہ تحریک یہ چاہتی ہے کہ افغانستان کی جائز اور تسلیم شدہ حکومت کا خیرمقدم کیا جائے، نہ کہ بلیک لسٹڈ گروپ کے طور پر۔دوحہ کا پہلا اجلاس مئی 2023 میں طالبان کے نمائندوں کی غیر موجودگی میں ہوا تھا۔
