عظمیٰ نیوز سروس
سرینگر //سعودی عرب میں رمضان المبارک 1445 ہجری کا چاند اتوار کو نظر آگیا۔ خلیجی ریاست میں پہلا روزہ آج یعنی 11 مارچ کوہے۔ عرب میڈیا کے مطابق سعودی عرب کی سپریم کورٹ نے چاند کا حتمی اعلان کردیا۔ واضح رہے کہ رمضان المبارک کا چاند دیکھنے کیلئے سعودی سپریم کورٹ کی رویت ہلال کمیٹی کا اجلاس ہوا۔دوسری جانب مشرقی ایشیائی ریاستوں اور اوشیانا کے مختلف ممالک میں رمضان کا چاند نظر نہیں آیا، یہاں پہلا روزہ منگل 12 مارچ کو ہوگا۔
