عظمیٰ نیوز سروس
سرینگر//ضلع انتظامیہ رام بن نے سرینگر جموں شاہراہ پرڈھلواس کے مقام پر ضروری مرمتی کام انجام دینے کے لیے 24 گھنٹے ‘ٹریفک ڈرائی ڈے’ کافیصلہ کیا ہے۔
ایس ایس پی، ٹریفک نیشنل ہائی وے کی طرف سے اس سلسلے میں جاری ایڈوائزری میں کہا گیا ہے کہ پبلک ورکس(آر اینڈ بی) محکمے کی اطلاع اور ضلع مجسٹریٹ رام بن کے جاری کردہ ضروری حکم کے حوالے سے قومی شاہراہ پر 24 گھنٹے ‘ٹریفک ڈرائی ڈے’ رہے گا۔ضلع مجسٹریٹ کے حکم کے مطابق ٹریفک مکمل طور بند رکھنے کا دورانیہ 21اکتوبر کی رات 12بجے سے 22اکتوبر کی رات 12بجے تک ہوگا۔ایڈوائزری میں مزید کہا گیا ہے کہ ضلع مجسٹریٹ رام بن کے مذکورہ حکم کی روشنی میں، لوگوں سے ٹریفک ایڈوائزری پر عمل کرنے کی درخواست کی گئی ہے اور کسی بھی چھوٹی بڑی گاڑی سوائے میڈیکل ایمرجنسی گاڑیوں کو نویوگ ٹنل-ناشری کے درمیان چلنے کی اجازت نہیں ہوگی۔
