بانہال//حکام نے بدھ کو بتایا کہ رام بن ضلع میں سری نگر۔ جموں شاہراہ پر ٹریفک کے حادثے میں ایک بچے سمیت چار افراد ہلاک اور اتنے ہی افراد زخمی ہوگئے ۔
حکام نے بتایا کہ چھتیس گڑھ سے مزدوروں اور ان کے کنبہ کے افراد کو لے کرایک پک اپ ٹرک سری نگر کی طرف آرہی تھی اور جب وہ خونی نالہ کے پاس پہنچی تو سڑک سے لڑھک کر 500 فٹ نیچے گہری کھائی میں جاکر نالے میںگر گئی۔
حادثے کے فوراً بعد رام بن پولیس اور رضاکاروں نے امدادی کارروائی کا آغاز کیا اور سخت کوششوں کے بعد زخمیوں کو اسپتال منتقل کردیا۔
امدادی سرگرمیوں کی نگرانی کرنے والے حکام کے مطابق دو مزدور اور گاڑی کا ڈرائیور موقع پر ہی مردہ پائے گئے اور ایک خاتون اور ایک بچہ نزدیکی اسپتال میں دم توڑ بیٹھے ۔ انہوں نے مزید بتایا کہ چار زخمی ضلع اسپتال رام بن میں زیر علاج ہیں۔
