سری نگر// جموں و کشمیر پولیس نے منگل کے روز سری نگر میں ایک دوشیزہ پر تیزاب پھینکنے کے کیس کے سلسلے میں تین ملزموں کے خلاف قریب ایک ہزار صفحات پر مشتمل چارج شیٹ دائر کیا۔
سری نگر پولیس نے اپنے ٹویٹر ہینڈل پر ایک ٹویٹ میں کہا کہ سری نگر میں ایک دوشیزہ پر تیزاب پھینکنے کے کیس کے سلسلے میں منگل کو تین ملزموں جن میں دو بالغ اور ایک نابالغ ہے، کے خلاف چیف جوڈیشل مجسٹریٹ کی عدالت اور جوینائل جسٹس بورڈ میں چارج شیٹ دائر کیا۔
ٹویٹ میں کہا گیا: ’نابالغ پر جے جے ایکٹ کے تحت مقدمہ چلانے کی بھی عرضی دائر کی گئی کیونکہ جرم انتہائی گھناؤنا ہے اور نابالغ کی عمر سولہ سے اٹھارہ برس کے درمیان ہے‘۔
قابل ذکر ہے کہ قابل ذکر ہے کہ سری نگر کے حول علاقے میں یکم فروری کی شام ایک 24 سالہ دوشیزہ پر تیزاب پھینکا گیا۔
پولیس نے واقعے کے اگلے ہی روز اس تین افراد کی گرفتاری عمل میں لائی۔
وادی کی تمام دینی سیاسی و سماجی تنظمیوں نے اس واقعے کی سخت الفاظ میں مذمت کی اور ملوثین کو قرار واقعی سزا سنانے کا مطالبہ کیا۔
