سرکاری ہسپتالوں میں جنسی ہراسیت کے واقعات

جموں //ریاستی سرکار نے سرکاری ہسپتالوں میں جنسی ہراسیت کے واقعات کو تسلیم کرتے ہوئے کہا ہے کہ گورنامنٹ میڈیکل کالج جموں میں اس حوالے سے 4شکایات موصول ہوئی ہیں جن میں سے 2شکایات کو حل کر دیا گیا ہے جبکہ ایک کیس ریاستی کمیشن برائے خواتین کے زیر سماعت ہے اور چوتھا کیس میں شکایت کنندہ کمیٹی کے سامنے پیش نہیں ہوا ۔قانون ساز کونسل میں ان باتوں کا اظہار پی ڈی پی رکن سرندر کمار چودھری کے سوال کے ایک جواب میں وزیر برائے صحت وطبی تعلیم بالی بھگت سنگھ نے کیا ۔انہوں نے کہا ہے کہ ایسے واقعات سے بچنے کی خاطر کچھ اقدمات اٹھائے گے ہیں اور ہسپتالوں کی سینئر خاتون ڈاکٹروں کی سربراہی میں اندروانی طور پر کمیٹیاں تشکیل دی گئی ہیں وزیر کے مطابق اس کے علاوہ ہسپتالوں میں سی سی ٹی وی کیمرے بھی نصب کئے گے ہیں ۔انہوں نے بتایا کہ گورنامنٹ میڈیکل کالج جموں میں 24سی سی ٹی وی کیمرے لگائے گے ہیں جبکہ گورنامنٹ میڈیکل کالج سرینگر میں 64کمرے نصب کئے گے ہیں ۔