عظمیٰ نیوز سروس
سرینگر// وادی کشمیر میں شبانہ درجہ حرارت مسلسل نقطہ انجماد سے نیچے درج ہونے کے باعث ٹھٹھرتی سردیوں کا زور جاری ہے جس نے لوگوں کو سخت مشکلات سے دوچار کر دیا ہے ۔محکمہ موسمیات کے مطابق گرمائی دارلحکومت سرینگر میں کم سے کم درجہ حرارت منفی 1.8 ڈگری سینٹی گریڈ ریکارڈ ہوا ۔سرینگر میں 15 نومبر کی رات سرد ترین رات ریکارڈ ہوئی تھی جب شبانہ درجہ حرارت منفی2.4 ڈگر ریکارڈ ہوا تھا۔شوپیان میں منفی 4، سیاحتی مقام پہلگام میں کم سے کم درجہ حرارت منفی3.2 ڈگری جبکہ گلمرگ میں کم سے کم درجہ حرارت 2.0 ڈگری سینٹی گریڈ ریکارڈ ہوا ۔سرحدی ضلع کپوارہ میں کم سے کم درجہ حرارت منفی1.8 ڈگری جبکہ قاضی گنڈ میں1.5 ڈگری درج ہوا ہے ۔محکمہ موسمیات کے مطابق وادی میں ماہ رواں کے اختتام تک موسم میں کسی بڑی تبدیلی کا کوئی امکان نہیں ہے ۔
