سرینگر// نائب وزیراعلیٰ ڈاکٹر نرمل سنگھ نے ماہ رمضان کے دوران عوام کو ضروری خدمات دستیاب رکھنے کے لئے مطلوبہ اقدامات کرنے کی ہدایت دی۔نائب وزیر اعلیٰ ایک جائزہ میٹنگ اور ویڈیو کانفرنسنگ میں ریاست میں ماہ رمضان کے لئے کئے گے اقدامات کا جائزہ لے رہے تھے۔مکانات و شہری ترقی کے کمشنر سیکرٹری ہردیش سنگھ ، کمشنر سیکرٹری محکمہ بجلی دھیرج گپتا ، ڈائریکٹر ارب لوکل باڈیز جموں / سرینگر اور دیگر کئی اعلیٰ افسران نے میٹنگ میں شرکت کی۔نائب وزیرا علیٰ نے افسران کو ریاست میں ماہ رمضان کے لئے انتظامات کو حتمی شکل دینے کیلئے قریبی تال میل کے ساتھ کام کرنے کی ہدایت دی تاکہ لوگوں کو مشکلات کا سامنا نہ کرنا پڑے۔ڈاکٹر سنگھ نے ارب لوکل باڈیز کے ناظمین کو قصبوں اور میونسپل علاقوں خصوصاً مساجد اور خانقاہوں کے ارد گرد صفائی ستھرائی کو یقینی بنانے کے احکامات دئیے۔انہوں نے کہا کہ اس مقصد کیلئے خصوصی سکارڈ تشکیل دئیے جانے چاہئیں۔محکمہ بجلی کے افسران کو ماہ رمضان کے دوران معقول بجلی سپلائی فراہم کرنے کی ہدایت دیتے ہوئے نائب وزیر اعلیٰ نے کہا کہ اس ضمن میں خصوصی اقدامات کئے جانے چاہئیں تاکہ لوگوں کو سحری اور افطارکے دوران بجلی کٹوتی کا سامنا نہ کرنا پڑے۔ڈاکٹر سنگھ نے گرمائی زون کے مختلف علاقوںمیں خرب پڑے ٹرانسفارمروں کی فوری مرمت کے بھی احکامات دئیے۔انہوںنے کالا بازاری ، ناجائز منافع خوری اور ذخیرہ اندوزی پر قابو پانے کے لئے خصوصی مارکیٹ چیکنگ سکارڈ تشکیل دینے کی بھی ہدایت دی۔
بجلی اور پانی کی سپلائی یقینی بنائیں:اندرابی
سرینگر//بجلی اور صحت عامہ کے وزیر مملکت سید فاروق احمد اندرابی نے افسران کو ہدایت دی ہے کہ ماہ رمضان کے دوران صارفین کو بجلی اور پانی کی بلا خلل سپلائی یقینی بنانے کیلئے اپنی کوششوں میں تیز ی لائیں۔ان باتوں کا اظہار وزیر موصوف نے بدھ کوضلع بڈگام کے آری باغ اور کنی پورہ علاقوں کے دورے کے دوران کیا جہاں انہوں نے ان علاقے کے لوگوں کو فراہم کی جانے والی بجلی اور پینے کے پانی کی صورتحال کا جائزہ لیا۔دورے کے دوران وزیر موصوف نے مقامی لوگوں کے مسائل بھی سنے ۔انہوںنے یقین دلایا کہ جائز عوامی مطالبات کو بروقت پورا کیا جائے گا۔انہوںنے دونوں محکموں کے افسران کو ہدایت دی کہ وہ ماہ رمضان کے پیش نظر اس بات کو یقین بنائیں کہ پینے کے پانی کی قلت کی صورت میں متعلقہ علاقوں کو واٹر ٹینکروں کے ذریعے پانی سپلائی کی جائے ۔دریں اثنا ٹنگنار واٹر سپلائی سکیم کے معائینے کے دوران فاروق اندرابی نے اس سکیم کی بروقت تکمیل کے احکامات دئیے۔وزیر موصوف نے دریائے جہلم اور فٹ برج سے گزر رہی پائپ لائن کا بھی معائینہ کیا۔
