زیون حملے کیخلاف زیرو برج میںشمع بردار احتجاج

سرینگر//سری نگر کے زیروبرج علاقے میں منگل کی شام متعدد سماجی کارکنان، مقامی اور غیر مقامی شہریوں نے شمعیں جلا کر زیون حملے میں جاں بحق ہوئے پولیس اہلکاروں کے ساتھ یکجہتی کا اظہار کیا۔ احتجاج میں شامل لوگوں نے ہاتھوں میں پلے کارڈ بھی اُٹھا رکھے تھے جن پر جموں وکشمیر پولیس کے ساتھ اظہار یکجہتی کے الفاظ درج تھے ۔شمع بردار احتجاج میں کئی دوشیزائیں بھی شامل تھیں جنہوں نے اپنے ہاتھوں میں موم بتیاں لے رکھی تھیں۔اس موقع پر احتجاجیوں نے کہا کہ زیون میں پولیس اہلکاروں پر حملہ انسانیت کے خلاف ہے ۔انہوں نے کہا کہ اس طرح کے واقعات ناقابل برداشت ہے اور ان پر فوری روک لگانے کی اشد ضرورت ہے ۔واضح رہے کہ پیر کی شام کو زیون علاقے میں جنگجوئوں نے پولیس گاڑی پر اندھا دھند فائرنگ کی تھی جس کے نتیجے میں تین پولیس اہلکار جاں بحق جبکہ 11دیگر زخمی ہوئے تھے ۔(یو این آئی )