کہا زمینی صورتحال پر غور کرنا ہوگا،پہلگام جیسے واقعات کو نظر انداز نہیں کیا جاسکتا
عظمیٰ نیوز سروس
نئی دہلی// سپریم کورٹ نے جموں و کشمیر کو ریاست کا درجہ بحال کرنے کی درخواست پر جمعرات کو مرکز سے جواب طلب کرتے ہوئے کہا کہ حالیہ پہلگام واقعہ سمیت زمینی حقائق کو نظر انداز نہیں کیا جا سکتا۔ جب سینئر ایڈوکیٹ گوپال شنکرانارائنن سمیت وکلا نے جلد سماعت کی درخواست کی توجسٹس کے ونود چندرن پر مشتمل بنچ میں چیف جسٹس آف انڈیا نے کہا کہ “آپ کو زمینی حقائق کو بھی مدنظر رکھنا ہوگا آپ پہلگام میں جو کچھ ہوا اسے نظر انداز نہیں کر سکتے،” ۔سالیسٹر جنرل تشار مہتا، مرکز کی طرف سے پیش ہوئے، نے عرضی کو خارج کرنے کا مطالبہ کیا اور کہا کہ ماضی میں بھی عدالت نے اس طرح کی درخواستوں پر جرمانے عائد کی تھیں۔مہتا نے کہا، “انتخابات ہو رہے ہیں، جج صاحبان ملک کے اس حصے سے ابھرنے والی مخصوص پوزیشن سے واقف ہیں اور فیصلہ سازی میں کئی تحفظات ہیں،” ۔بینچ نے ماہر تعلیم ظہور احمد بھٹ اور سماجی و سیاسی کارکن احمد ملک کی طرف سے دائر درخواست کو آٹھ ہفتوں کے بعد سماعت کے لئے رکھا۔سنکر نارائنن، جوبھٹ کی طرف سے پیش ہوئے، نے کہا کہ آئین کے آرٹیکل 370 کی منسوخی سمیت دیگر مسائل پر آئینی بنچ کے ذریعہ فیصلہ سنائے گئے 21 مہینے ہو چکے ہیں۔شنکر نارائنن نے کہا، جزوی طور پر کوئی حرکت نہیں ہوئی کیونکہ، عدالت نے یونین پر کافی اعتماد کیا جب انہوں نے عدالت کے سامنے یہ بیان دیا کہ وہ ریاست کا درجہ واپس کریں گے۔فیصلے کا حوالہ دیتے ہوئے، انہوں نے کہا کہ بنچ نے سالیسٹر جنرل کی طرف سے دی گئی یقین دہانی کے پیش نظر مسئلہ کو حل نہیں کیا کہ جموں اور کشمیر کو ریاست کا درجہ بحال کیا جائے گا۔شنکرانارائنن نے کہا کہ بنچ نے صرف یہ ہدایت دی تھی کہ ریاست کی جلد از جلد بحالی کی جائے اور کوئی ٹائم لائن مقرر نہیں کی۔11 دسمبر، 2023 کو، سپریم کورٹ نے متفقہ طور پر آرٹیکل 370 کی منسوخی کو برقرار رکھا، جس نے سابقہ ریاست جموں و کشمیر کو خصوصی حیثیت دی، یہاں تک کہ اس نے حکم دیا کہ مرکز کے زیر انتظام علاقے میں ستمبر 2024 تک اسمبلی انتخابات کرائے جائیں اور اس کی ریاستی حیثیت کو “جلد از جلد کشمیر” بحال کیا جائے۔
