عظمیٰ ویب ڈیسک
رام بن// ضلع رام بن میں پیر کی شام پیش آئے ایک دلدوز سڑک حادثے میں تین افراد لقمہ اجل بن گئے ہیں۔ ڈپٹی کمشنر رام بن نے ایکس پر ایک پوسٹ میں بتایا، ” ٹینگر کے قریب المناک حادثہ۔ ساولا کوٹ سے ٹینگر جاتے ہوئے ایک ڈمپر الٹ گیا، جس پر سوار 3 افراد جاں بحق ہو گئے، متوفینن میں بہار دین، اومکار سنگھ، بھری لال شامل ہیں، سبھی ٹینگر کے رہنے والے ہیں”۔ انہوں نے مزید کہا کہ لاشیں ضلع ہسپتال رام بن منتقل کر دی گئیں ہیں۔ مقامی ذرائع نے بتایا کہ حادثہ کی اطلاع ملتے ہی ریسکیو آپریشن شروع کیا گیا تھا تاہم تینوں افراد موقع پر ہی لقمہ اجل بن چکے تھے۔ انہوں نے بتایا کہ مقامی لوگوں، پولیس اور رضاکاروں نے مشترکہ بچاو¿ کاروائی کے دوران لاشوں کو نکال کر ہسپتال منتقل کیا۔
