سرینگر//نیشنل کانفرنس کے اُمیدواروں نے جمعرات کو رام بن اور کشتواڑ ضلع کونسلوں کے چیئر پرسنوں کا انتخاب جیت لیا۔
نیوز ایجنسی کے این او کے مطابق نیشنل کانفرنس اُمیدوار پوجا دیوی نے کشتواڑ کونسل پر آٹھ ووٹ حاصل کرکے چیئر پرسن کی سیٹ پر جیت حاصل کرلی۔ اس کونسل کے نائب چیئر مین کا عہدہ کانگریس اُمیدوار سائمہ لون کے کھاتے میں گیا۔
رام بن ضلعی کونسل کے چیئر پرسن کا عہدہ شمشاد بیگم نے گیارہ ووٹ حاصل کرکے جیت لیا جبکہ اس کونسل کے نائب چیئر پرسن کا عہدہ آزاد اُمیدوار رابیہ بیگ کے حصے میں آیا۔
قابل ذکر ہے کہ رام بن کے تین آزاد اُمیدواروں بشمول بشیر رونیال نے گذشتہ روز نیشنل کانفرنس میں شمولیت اختیار کی۔
