یو این آئی
جموں//جموں وکشمیر کے رام بن ضلع کے سنگلدان علاقے میں پیر کی صبح پیش آئے سڑک کے ایک حادثے میں نوجوان لقمہ اجل بن گیا۔ذرائع نے بتایا کہ سنگلدان کے برالہ علاقے میں ایک نجی گاڑی کو حادثہ پیش آیا جس کے نتیجے میں نوجوان شدید طورپر زخمی ہوا اور بعد ازاں اس کی ہسپتال میں موت واقع ہوئی۔متوفی کی شناخت ریاض احمد خان ولد مقبول احمد کے بطور ہوئی ہے۔پولیس نے معاملے کی نسبت کیس درج کرکے مزید تحقیقات شروع کی۔ادھرجموں وکشمیر کے ضلع سانبہ میں جموں – پٹھان کوٹ شاہراہ پر پیر کی صبح ایک سڑک حادثے میں 5 مسافر زخمی ہوئے۔تفصیلات کے مطابق سانبہ میں جموں – پٹھان کوٹ شاہراہ پر دیانی علاقے میں ایک کار زیر نمبر JK21H – 8654 حادثے کا شکار ہوگئی جس کے نتیجے میں 5 مسافر زخمی ہوگئے۔انہوں نے کہا کہ زخمیوں کو علاج و معالجے کے لئے فوری طور ضلع ہسپتال سانبہ پہنچایا گیا۔اس سلسلے میں مزید تفصیلات کا انتظار ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
