منسوخی میں کئی دہائیاں لگیں، خارجہ پالیسی پر بھی گہرے اثرات تھے : جے شنکر
بنگلورو// وزیر خارجہ ایس جے شنکر نے جمعہ کے روز کہا کہ 1948 میں مسئلہ کشمیر کو اقوام متحدہ کی سلامتی کونسل میں لے جانے کا فیصلہ ایک “بنیادی غلطی” تھی اور آرٹیکل 370 کو منسوخ کرکے، ہندوستان نے ‘ایک کھڑکی بند کردی۔جسے کمزوری جتلا کر’ نئی دہلی “کافی بے وقوف” بنی۔انہوں نے کہا کہ اس وقت ہندوستان کا اقوام متحدہ کی سلامتی کونسل کو ایک غیر جانبدار ثالث کے طور پر نظریہ تھا جب کہ ان کے “جیو پولیٹیکل ایجنڈے” کے حامل ممالک نے نئی دہلی کے لیے کشمیر کو “خطرناک” مسئلے کے طور پر استعمال کیا۔ جے شنکر نے کہا”آج یہ بہت واضح ہے، حقیقت میں اب نہیں، 1970 کی دہائی تک یہ بہت واضح تھا کہ مسئلہ کشمیر کو اقوام متحدہ کی سلامتی کونسل میں لے جانا ایک بنیادی غلطی تھی کیونکہ آپ اسے ایسی عدالت میں لے جا رہے ہیں جہاں ججز آپ کے خلاف کھڑے ہیں، یہ وہ مغربی ممالک تھے جو آپ کے تئیں تعصب رکھتے تھے‘‘۔انہوں نے کہا کہ اگر ہندوستان سخت سر ہوتا تو یہ غلطی نہ کرتا۔
انہوں نے مزید کہا”دراصل، اگربھارت سخت دماغ کا ہوتا، اگر ہمیں اُس مرحلے پر بین الاقوامی سیاست کا بخوبی اندازہ ہوتا، تو ہم یہ کام نہیں کرتے،یہ دنیا کے بارے میں غلط فہمی کے طور پر کیا گیا ، ہم نے دیکھا کہ اقوام متحدہ کے بارے میں ایک تاثر تھا کہ یہ ممالکغیر جانبدار ثالث ہوں گے‘‘۔جے شنکر نے مزید کہا کہ آرٹیکل 370 کے نہ صرف ملک کے اندر بلکہ ملک کی خارجہ پالیسی پر بھی گہرے اثرات ہیں اور آخر کار اسے منسوخ کرنے میں ہندوستان کو کئی دہائیاں لگیں۔وزیر خارجہ نے کہا “ہم پر ممالک نے سوار ہونے کی کوشش کی جن کا اپنا جیو پولیٹیکل ایجنڈا تھا، جنہوں نے کشمیر کو ہمارے لیے خطرے کے مسئلے کے طور پر استعمال کیا اور وہ اسے استعمال کرتے رہتے ہیں۔ آرٹیکل 370 پرفیصلہ کرنے میں ہمیں کئی دہائیاں لگیں، میرے نزدیک آرٹیکل 370 صرف ملک کے اندر ہی نہیں تھا اس کے درحقیقت خارجہ پالیسی کے گہرے اثرات ہیں، ہم نے آج کمزوری کی ایک کھڑکی بند کر دی جسے ہم 1948 میں کھولنے کے لیے کافی بے وقوف تھے‘‘۔نوجوانوں کے مضبوط تاریخی ثقافتی نقوش والے مقامات کا دورہ کرنے پر زور دیتے ہوئے، انہوںنے کہا کہ دنیا بھر میں بہت سارے لوگ 22 جنوری کو رام مندر کے افتتاح کے منتظر ہوں گے۔جے شنکر نے کہا”نوجوانوں اور بیرون ملک سفر کرنے والوں کے لیے یہ ضروری ہے کہ وہ ان جگہوں پر جائیں جہاں تاریخی طور پر ہماری ثقافتی نقوش بہت مضبوط ہے، تب آپ کو اندازہ ہو گا کہ ہندوستان میں جو کچھ ہو رہا ہے وہ ہم تک محدود نہیں ہے۔ جیسا کہ آپ مشرق کی طرف بڑھنا شروع کرتے ہیں، آپ ایک بہت مضبوط ثقافتی اثر دیکھ سکتے ہیں‘‘۔
