عظمیٰ نیوز سروس
سرینگر//ہینڈی کرافٹس کوالٹی کنٹرول کونسل کی چوتھی میٹنگ ڈائریکٹر دستکاری اور ہینڈ لوم کشمیر، محمود احمد شاہ کی صدارت میں منعقد ہوئی جس میں غیر جی آئیمصنوعات کی لیبلنگ اور کوئیک ریسپانس کوڈنگ کا یکساں طریقہ کار وضع کیا گیا۔ کیو آرکوڈ جموں و کشمیر حکومت کی طرف سے خریداروں کے اعتماد کو بہتر بنانے اور ہاتھ سے بنے کاموں کو مناسب طریقے سے فروغ دینے کی سنجیدہ کوششوں کا حصہ ہے۔ اس اقدام کا مقصد ایک ایسے وقت میں منصفانہ تجارتی مشق ہے جب دستکاری کا شعبہ برآمدات کے ساتھ ایک مضبوط بحالی کا مظاہرہ کر رہا ہے۔میٹنگ میں دیکھا گیا کہ تمام اسٹیک ہولڈرز نے لیبل کے عمل اور قیمتوں کے تعین سے متعلق مسائل پر تبادلہ خیال کرنے اور ان کو حل کرنے کے لیے اکٹھا کیا اور یہ فیصلہ کیا گیا کہ مصنوعات کی لیبلنگ کے لیے برائے نام قیمت وصول کی جائے گی۔ڈائریکٹر ہینڈی کرافٹس اینڈ ہینڈلوم نے درخواست دہندگان کے کام کی جگہوں پر نوٹیفائیڈ کرافٹ آئٹمز کا بلک اسٹاک رکھنے والے مینوفیکچررز کے لیے دہلیز پر سہولیات فراہم کرنے کے لیے موقع پر ہدایات جاری کیں۔
