دارالخیر کی طرف سے شولی پورہ آتشزدگان میںامدادتقسیم

 سرینگر//دارالخیر میرواعظ منزل کے سرپرست اعلیٰ میرواعظ محمد عمر فاروق نے شولی پورہ بڈگام میں آگ کی ایک بھیانک واردات میں نصف درجن سے زیادہ رہائشی مکانات کے خاکستر ہونے اور بڑے پیمانے پر املاک کے نقصان پر دکھ اور افسوس کا اظہار کرتے ہوئے متاثرین کے ساتھ دلی ہمدردی اور یکجہتی کا اظہار کیا ہے اوران کی فوری باز آبادکاری کی ضرورت پر زور دیا ہے۔اس دوران میرواعظ کی ہدایت پر دارالخیر کے عہدیداروں اور کارکنوں کے ایک وفد نے شولی پورہ بڈگام جاکرمتاثرین میں چاول ، آٹا،کمبل اور کچن کٹ اور بنیادی ضروریات کی چیزیں بطور امداد پیش کیں اور ان کے ساتھ ہمدردی کا اظہار کیا۔وفد مفتی غلام رسول کی سربراہی اور جموںوکشمیر عوامی مجلس عمل کے ضلع بڈگام کے صدر حکیم غلام محمد اور کارکنوں کی موجودگی میںشولی پورہ گیا۔