عظمیٰ نیوز سروس
سرینگر //جموں و کشمیر حج کمیٹی نے حج 2025 کے لیے آن لائن حج درخواست فارم جمع کرانے کی آخری تاریخ میں 23 ستمبر 2024 تک توسیع کر دی ہے۔ سرکاری بیان کے مطابق، جموں و کشمیر حج کمیٹی نے مطلع کیا ہے کہ 23 ستمبر 2024 کو یا اس سے پہلے جاری کردہ اور کم از کم 15 جنوری 2026 تک درست ہندوستانی بین الاقوامی پاسپورٹ رکھنے والے درخواست دہندگان حج 2025 کے لیے درخواست دینے کے اہل ہیں۔ درخواستیں صرف حج کمیٹی آف انڈیا کی ویب سائٹ یا گوگل پلے اسٹور پر دستیاب اینڈرائیڈ موبائل ایپ ‘HAJ SUVIDHA’ پر آن لائن جمع کی جا سکتی ہیں۔ حج درخواست فارم آن لائن داخل کرنے سے پہلے عازمین حج سے درخواست کی جاتی ہے کہ وہ حج پالیسی 2025/ حج 2025 کے رہنما خطوط حج کمیٹی کی ویب سائٹ www.hajcommittee.gov.in پر موجود ہیں۔
