عظمیٰ نیوز سروس
سرینگر// جموں و کشمیر بینک کا خالص منافع اکتوبر تا دسمبر سہ ماہی کیلئے 35 فیصدسے بڑھ کر 421.08 کروڑ روپے ہو گیا جبکہ گزشتہ مالی سال کی اسی مدت میں 311.59درج ہوا تھا۔ بینک نے ان نتائج کا اعلان اس کے بورڈ آف ڈائریکٹرز کے جموں میں بینک کے زونل دفتر میں منعقدہ میٹنگ میں مالی سال 2023-24 کیلئے سہ ماہی اور 9 ماہ کے نمبروں کا جائزہ لینے اور منظوری دینے کے بعد کیا۔9 ماہ کیلئے بینک کا منافع سہ ماہی میں 57 سے بڑھ کر1128.60کروڑ روپے ہو گیا ہے جو کہ گزشتہ مالی سال کے نو ماہ کے دوران721.05 کروڑ روپے تھا۔سہ ماہی کیلئے بینک کا مجموعی NPA تناسب کم ہو کر4.84فیصدیعنی 241 بیسس پوائنٹس (bps) اور 42 QoQ بی پی ایس پر آ گیا ہے۔ نیٹ این پی اے تناسب میں بھی 125 بی پی ایس کی سالانہ کمی ہوئی ہے اور یہ 0۔83 فیصد پر 1 فیصد سے کم ہے۔ بینک کا پرویژن کوریج ریشو (PCR) دسمبر 2023 کو ختم ہونے والی سہ ماہی کیلئے 678بی پی ایس سالانہ سے91.61فیصدہو گیا ہے جو پچھلے سال84.83فیصدریکارڈ کیا گیا تھا۔بینک کے اثاثہ جات کے معیار پر تبصرہ کرتے ہوئے ایم ڈی اورسی ای او نے کہا’’اثاثوں کا معیار ہمارا اسٹار میٹرک ہے اور تیزی سے صنعت میں بہتری کی طرف تبدیل ہو رہے ہیں۔ ہم تقریباً4.5فیصد GNPA کی اپنی سالانہ مارکیٹ گائیڈنس کو پورا کرنے کے راستے پر گامزن ہیں جبکہ ہمارا خالص NPA پہلے ہی 1 فیصدسے کم ہے۔ تیسری سہ ماہی کیلئے بینک کا منافع بعد از ٹیکس (PAT) 35 فیصدسے بڑھ کر 421.08کروڑ روپے ہو گیا جبکہ 9 ماہ کا خالص اعداد و شمار 57فیصد بڑھ کر1128.60کروڑ روپے تک پہنچ گیا۔خالص سود کی آمدنی (NII) دسمبر کی سہ ماہی کے لیے 9ماہ کیلئے 11 فیصدسے بڑھ کر 3897.57کروڑ ہوگئی ہے جبکہ گزشتہ سال کے3495.73 کروڑ روپے کے مقابلے میں، جبکہ تیسری سہ ماہی کے لیے 2 فیصدسالانہ بڑھ کر1280.44کروڑہو گئی ہے۔ بینک کا آپریٹنگ منافع 550.54کروڑ روپے رہا۔سہ ماہی کے لیے بینک کا NIM 3.83فیصد رہا۔دریں اثنا، بینک کا مسلسل اعتدال پسند لاگت سے آمدنی کا تناسب تیسری سہ ماہی کے لیے مزید کم ہو کر 62۔36 فیصد پر آگیا ہے۔آپریٹنگ نمبروں پر اپنے خیالات میںایم ڈی اورسی ای او بلدیو پرکاش نے کہا’’ہم نے سہ ماہی نمبروں کا ایک اور سیٹ فراہم کر کے اپنی ترقی کی رفتار کو جاری رکھا ہے جو نیچے کے پیرامیٹرز میں پیش رفت کی عکاسی کرتا ہے۔ مجھے یقین ہے کہ ہم اپنی سالانہ ترقی کے رہنما خطوط پر پورا اترنے کے لیے بالکل ٹھیک ہیں‘‘۔جائزہ شدہ سہ ماہی کے دوران بینک کی خالص ایڈوانسز سالانہ 16 فیصدبڑھ کر89752.36کروڑ روپے پر ہیں جبکہ ڈپازٹس 9فیصدبڑھ کر117935.47 کروڑ روپے سے بڑھ کر128542.47کروڑ ہو گئے ہیں۔
