سمت بھارگو
راجوری// فوج کے شمالی کمان کے کمانڈر لیفٹیننٹ جنرل اوپیندر دیودی نے کہا ہے کہ سیکورٹی فورسز نے اجتماعی طور پر تشدد پر قابو پالیا ہے اور جو لوگ اس پراکسی وار سے اپنا سیاسی فائدہ اٹھانے کی کوشش کر رہے ہیں انہیں مناسب جواب دیا جا رہا ہے۔ انہوں نے کہا کہ سیکورٹی ایجنسیوں نے مؤثر طریقے سے تشدد پر قابو پالیا ہے اور ان لوگوں کو منہ توڑ جواب دیا جا رہا ہے جو اس پراکسی وار کی مدد سے اپنے سیاسی مقاصد کی تکمیل کی کوشش کر رہے ہیں۔ راجوری میں ویٹرنز ڈے پر ایک ریلی سے خطاب کرتے ہوئے اپیندر دویدی نے کہا ’’راجوری ہیروز اور بہادروں کی سرزمین ہے اور اس نے کبھی بھی پڑوسی ملک کی سازشوں اور مذموم منصوبوں کو کامیاب نہیں ہونے دیا ہے‘‘۔ جنرل نے کہا کہ اس پراکسی جنگ کی مدد سے، ہماری اس عزم میں، سابق فوجیوں کی شمولیت سے ولیج ڈیفنس کمیٹیوں کو مزید مضبوط اور تربیت دی جا رہی ہے ‘‘۔ جنرل دویدی نے کہا کہ اس ریلی کا بنیادی مقصد جموں و کشمیر یونین ٹیریٹری میں رہنے والے سابق فوجیوں کے مسائل کو جاننا اور انتظامیہ کی مدد سے ان کے تمام مسائل کو جلد از جلد حل کرنا ہے۔انہوں نے کہا کہ حکومت نے جموں و کشمیر کے تمام 20 اضلاع میں سابق فوجیوں کی شکایات کے ازالے کے لیے ڈی ایس پی رینک کے نوڈل پولیس افسران کو تعینات کیا ہے۔انہوں نے مزید کہا کہ میں آپ کو یقین دلاتا ہوں کہ حکومت ہند، جموں و کشمیر، ہندوستانی فوج، اور شمالی کمان ہمیشہ سابق فوجیوں کی خدمت کے لیے پرعزم ہیں۔ میں آپ سے توقع کرتا ہوں کہ آپ فوج اور حکومت کی طرف سے چلائی جانے والی فلاحی اسکیموں میں مکمل تعاون کریں گے اور ان کو کامیاب بنائیں گے۔
