عظمیٰ نیوز سروس
جموں// نیشنل ہائی ویز اتھارٹی آف انڈیانے جموں اور کشمیر کے سانبہ ضلع میں ٹھنڈیکھوئی میں ٹول پلازہ کو بند کر دیا ہے، یہ اقدام جموں، سانبہ اور کٹھوعہ کے درمیان سفر کرنے والے مسافروں کے لیے ایک بڑی راحت کا اقدام ہے۔ وائی پی ایس جدون پروجیکٹ ڈائریکٹر کی طرف سے جاری کردہ ایک حکم میں کہا گیا ہے”لکھن پور اور بان فیس پلازوں کی اثر و رسوخ کی لمبائی میں اضافہ کیا گیا ہے تاکہ ٹھنڈیکھوئی فیس پلازہ کی ضرورت کو ختم کیا جا سکے،” ۔تاہم، ٹھنڈیکھوئی میں 26 جنوری کی صبح 8 بجے سے گاڑیوں سے ٹول کی وصولی کو ختم کرتے ہوئے، اس نے بان اور لکھن پور ٹول پلازوں پر وصول کیے جانے والے ٹول پر نظر ثانی کی ہے۔
