سرینگر//ضلع راجوری کے تھنہ منڈی علاقے میں جمعرات کوجنگجوﺅں اور فورسز کے مابین جاری معرکہ آرائی کے دوران ایک فوجی آفیسر اور ایک عدم شناخت جنگجو جاں بحق ہوگئے۔
یہ معرکہ آرائی تھنہ منڈی کے تریوک گاوں میں آج صبح چھڑ گیا۔
پولیس کے مطابق اس معرکہ آرائی کے آغاز میں فوج کا ایک جونیئر کمیشنڈ آفیسر زخمی ہوگیا اور وہ دوران علاج زخموں کی تاب نہ لاکر دم توڑ بیٹھا۔
جموں میں مقیم دفاعی ترجمان نے کہا کہ جنگجوﺅں اور فورسز کے درمیان تھنہ منڈی کے گاو¿ں تریوک میں معرکہ صبح سے جاری ہے۔
انہوں نے کہا کہ راشٹریہ رائفلز کا ایک جے سی او گولی لگنے سے زخمی ہوا جسے فوری طور پر قریبی طبی مرکز پہنچایا گیا لیکن وہ زخموں کی تاب نہ لاتے ہوئے دم توڑ گیا۔
پولیس نے کہا کہ ایک فوجی آفیسر کے علاوہ ایک عدم شناخت جنگجو بھی اس معرکہ آرائی میں جاں بحق ہوگیا ہے۔
حکام نے بتایا کہ پورے علاقے کو سخت محاصرے میں لے لیا گیا ہے اور فوجی آپریشن جاری ہے۔
