عظمیٰ نیوز ڈیسک
ممبئی //لوک سبھا انتخابی نتائج کے بعد اتحادی جماعتوں کی حمایت سے مرکز میں ایک بار پھر مودی حمایت بننے کی امید میں ہونے والی چوطرفہ خریداری کی بدولت گزشتہ روز کی افراتفری سے سنبھلنے کے بعد اسٹاک مارکیٹ نے کل اونچی چھلانگ لگائی۔4 جون کو جب لوک سبھا انتخابات کے نتائج برآمد ہو رہے تھے، تو شیئر مارکیٹ میں زبردست افرا تفری پیدا ہو گئی تھی۔ شیئر مارکیٹ میں سرمایہ لگانے والے افراد دن بھر پریشان رہے، لیکن بدھ کے روز انھیں ایک بڑی راحت ملی ہے۔ شیئر بازار نے ہوئے نقصان کا مضبوطی کے ساتھ ریکوری کیا ہے۔ بدھ کے کاروباری سیشن میں سنسیکس 2300 پوائنٹس مضبوط ہوا ہے، جبکہ نفٹی بھی ایک ہی دن میں 22500 کی سطح کو پار کر گیا۔مرکز میں ایک بار پھر نریندرمودی کی قیادت میں نیشنل ڈیموکریٹک الائنس (این ڈی اے ) حکومت بنانے کی طرف گامزن ہے ۔اس کی وجہ سے ، سرمایہ کاروں کا اعتماد واپس آیا اور ان کی سرمایہ کاری کا جذبہ مضبوط ہوا، بی ایس ای کا 30 حصص کا حساس انڈیکس سینسیکس 2303.19 پوائنٹس یعنی 3.20 فیصد بڑھ کر 74,382.24 پوائنٹس پر پہنچ گیا۔ اس کے علاوہ، نیشنل اسٹاک ایکسچینج (این ایس ای) کا نفٹی 735.85 پوائنٹس یعنی 3.36 فیصد چھلانگ لگا کر 22,620.35 پوائنٹس پر بند ہوا۔ اسی طرح بڑی کمپنیوں میں بھی زبردست خریداری ہوئی جس کی وجہ سے بی ایس ای کا مڈ کیپ 4.41 فیصد بڑھ کر 42585.97 پوائنٹس اور اسمال کیپ 2.93 فیصد کی تیزی کے ساتھ 46277.55 پوائنٹس پر رہا۔اس دوران بی ایس ای میں کل 3918 کمپنیوں کے حصص میں کاروبار ہوا جن میں سے 2597 میں تیزی1221 میں گراوٹ اور 100 میں کوئی تبدیلی نہیں ہوئی۔ اسی طرح 48 نفٹی کمپنیاں مضبوط رہیں جبکہ باقی دو کمزور۔بی ایس ای کے تمام 20 گروپس میں زبردست خریداری ہوئی۔ اس سے ٹیلی کام 6.01، میٹلز 5.36، کموڈیٹیز 4.48، سی ڈی 4.29، انرجی 2.38، ایف ایم سی جی 4.52، فنانشل سروسز 4.10، ہیلتھ کیئر 3.45، انڈسٹریلز 1.53، آئی ٹی 2.50، یوٹیلٹیز 2.87، آٹو 4.20، بینکنگ 4.50، کیپٹل گڈز1.26، کنزیومر ڈیوریبلز 3.56، تیل اور گیس 2.31، پاور 2.90، ریئلٹی 2.48، ٹیک 2.70 اور سروسز گروپ کے شیئر 5.74 فیصد اچھل گئے ۔عالمی منڈی میں ملا جلا رجحان رہا۔ جس کی وجہ سے برطانیہ کے ایف ٹی ایس ای میں 0.29 اور جرمنی کے ڈیکس میں 0.85 فیصد اضافہ ہوا جبکہ جاپان کا نکئی 0.89، ہانگ کانگ کا ہینگ سینگ 0.10 اور چین کا شنگھائی کمپوزٹ 0.83 فیصد گرگیا۔
