پٹن//ضلع بارہمولہ کے علاقے وگیلا واگورہ میں مٹی نکالنے کے دوران گرآیی پسی کی زد میں آکر دو افراد کی موقع پر ہی موت ہوگئی اور متعدد افراد زخمی ہوگئے۔
ذرائع نے بتایا کہ وگیلہ کے دو مقامی افراد علی محمد ملک ولد فاروق احمد ملک اور غلام محمد میر ولد علی محمد میر منگل کی شام مٹی نکالنے کے دوران لینڈ سلائیڈنگ کی زد میں آ گئے۔
دریں اثناء ایک لاش نکال لی گئی ہے اور دوسری لاش برآمد ہونا باقی ہے تاہم دو زخمیوں کو قریبی ہسپتال منتقل کر دیا گیا ہے جن کی حالت مستحکم ہے۔
دریں اثناء مقامی لوگ اور پولیس سٹیشن کریری واگورہ چوکی کی ٹیم موقع پر پہنچ گئی ہے اور ریسکیو آپریشن شروع کر دیا ہے۔
