آئی پی ایل کی کمی محسوس کررہا ہوں : وراٹ

ممبئی/ ہندوستانی ٹیم اور آئی پی ایل میں رائل چیلنجرز بنگلور ٹیم کے کپتان وراٹ کوہلی نے کہا ہے کہ وہ آئی پی ایل ٹورنامنٹ کی کمی محسوس کررہے ہیں۔کورونا وائرس کی وجہ سے ملک بھر میں لاک ڈاؤن نافذ ہے جو 17 مئی تک جاری رہے گا۔ اس دوران ملک بھر میں کھیل سرگرمیاں ٹھپ پڑی ہوئی ہیں اور کئی ٹورنامنٹوں ملتوی کردئے گئے ہیں۔ آئی پی ایل کے 13 ویں ایڈیشن کو غیر معینہ مدت کے لئے ملتوی کر دیا گیا ہے۔آئی پی ایل کو 29 مارچ سے شروع ہونا تھا لیکن کورونا کی وجہ سے یہ ملتوی کر دیا گیا ہے اور اس سال اس کے ہونے پر بھی بحران کے بادل منڈلا رہے ہیں۔وراٹ نے اسٹار اسپوٹرس کے شو کرکٹ کنیکٹیڈ میں کہا، "میں گھر میں رہنے کے دوران آئی پی ایل ٹورنامنٹ کی کافی کمی محسوس کررہا رہوں۔ اگرچہ ایسی صورت میں مثبت رہنا کافی ضروری ہے تاکہ کھیل دوبارہ شروع ہونے پر اپنی فارم برقرار رکھی جا سکے۔ " اس دوران وراٹ کے ساتھی کھلاڑی یوزویندر چہل بھی تھے۔ہندوستانی کپتان نے کہا، "میں لاک ڈاؤن کے دوران خود کو مثبت اور خوش رکھ رہا ہوں جس سے جب بھی حالات معمول ہو اور میں کھیلنے اتروں تو ویسے ہی آغاز کروں جیسے ختم کیا تھا۔