انگلینڈ اور آسٹریلیائی کھلاڑی آئی پی ایل کے تمام میچ کھیل سکتے ہیں:رائل چیلنجرز بنگلور

نئی دہلی/ رائل چیلنجرز بنگلور (آر سی بی) کے چیئرمین سنجیو چوڑی والا نے کہا ہے کہ انگلینڈ اور آسٹریلیا کے کھلاڑی آئی پی ایل کے افتتاحی میچ سمیت ٹورنامنٹ کے تمام میچ کھیلیں گے ۔سنجیو نے ایک ورچوئل پریس کانفرنس کے ذریعے کہا کہ انگلینڈ اور آسٹریلیا کے کھلاڑی 17 ستمبر کو متحدہ عرب امارات (یو اے ای) پہنچیں گے جہاں 19 ستمبر سے 10 نومبر تک آئی پی ایل کا انعقاد ہونا ہے ۔ انگلینڈ اور آسٹریلیا کے کھلاڑیوں کو 2 سے 16 ستمبر تک محدود اوورز کی سیریز کھیلنی ہے ۔ ان کے بقول متحدہ عرب امارات پہنچنے کے بعد ان کھلاڑیوں کو سخت ٹیسٹ کے عمل سے گزرنے کے بعد اپنی ٹیموں کے ابتدائی میچ چھوڑنا نہیں پڑے گا۔آر سی بی چیئرمین کے مطابق کپتان وراٹ کوہلی کی سربراہی میں آر سی بی کی ٹیم جمعہ کو دبئی پہنچے گی۔ جنوبی افریقہ کے اے بی ڈویلیئرز ، کرس مورس اور ڈیل اسٹین بھی اس ہفتے کے آخر میں دبئی پہنچیں گے ۔انگلینڈ اور آسٹریلیا کے کھلاڑی آئی پی ایل کے افتتاحی میچوں میں کھیلنے کا شاکی تھے جب کھلاڑیوں نے یہ اشارہ کیا تھا کہ جب وہ آئی پی ایل کے لئے متحدہ عرب امارات پہنچیں گے تو وہ سات دن تک قرنطین میں رہیں گے ۔ اس مدت کے دوران کھلاڑیوں کو تربیت سے قبل تین ٹیسٹ سے گزرنا پڑے گا۔کورونا وائرس کی وجہ سے ہونے والی سیکیورٹی کے پیش نظر آئی پی ایل کی گورننگ کونسل نے فرنچائزز کے لئے ایک معیاری آپریٹنگ طریقہ کار (ایس او پی) مرتب کیا جو تمام فرنچائزز کے ساتھ مشترکہ تھا۔آٹھ آئی پی ایل ٹیموں میں انگلینڈ اور آسٹریلیا کے 29 کے قریب کھلاڑی شامل ہیں۔ ان کھلاڑیوں کا جو آئی پی ایل کے ابتدائی میچوں میں نہیں کھیل رہے تھے اس کا سب سے زیادہ اثر راجستھان رائلز پر پڑتا۔ راجستھان کی ٹیم میں جوفرا آرچر ، جوز بٹلر ، اسٹیون اسمتھ ، بین اسٹوکس اور ٹام کیرن جیسے کھلاڑی شامل ہیں جنھیں 16 ستمبر تک دوسری سیریز کھیلنا ہے ۔یو این آئی