عظمیٰ نیوز ڈیسک
نیویارک //نیویارک ٹائمز کی رپورٹ کے مطابق 2انتہائی خفیہ و حساس امریکی انٹیلی جنس دستاویزات لیک ہو گئی ہیں۔غیر ملکی میڈیا رپورٹس کے مطابق نیشنل جیو اسپیشل انٹیلی جنس ایجنسی(این جی اے)سے شروع ہونے والی دستاویزات اسرائیلی فوجی مشقوں اور آپریشنل تیاریوں کے بارے میں بصیرت پیش کرتی ہیں۔ان دستاویزات میں امریکی جاسوس سیٹلائٹس کے ذریعے جمع کی گئی تصاویر اور معلومات کا تجزیہ موجود ہے۔خفیہ معلومات پر مشتمل دستاویزات پر 15اور 16 اکتوبر کی تاریخ درج ہے اور یہ جمعہ کو (مڈل ایسٹ اسپیکٹیٹر)نامی ایک ٹیلی گرام اکانٹ پر شائع ہونے کے بعد آن لائن گردش کرنا شروع ہو گئیں۔اسرائیل کے ایران کے خلاف جوابی حملے کے منصوبے سے متعلق انتہائی خفیہ معلومات لیک ہو گئی ہیں جس کے بعد امریکا نے تحقیقات کا آغاز کر دیا ہے۔میڈیا رپورٹس کے مطابق اس معاملے سے جڑے 3افراد نے تحقیقات کی تصدیق کی ہے جبکہ ان میں سے ایک نے دستاویزات کی صداقت کی تصدیق کی۔میڈیا رپورٹس کے مطابق یہ دستاویزات ٹاپ سیکرٹ کے طور پر نشان زد ہیں اور انہیں صرف امریکا اور اس کے 5 اتحادی پانچ آنکھیں یعنی آسٹریلیا، کینیڈا، نیوزی لینڈ اور برطانیہ دیکھ سکتے ہیں۔میڈیا رپورٹس کے مطابق یہ دستاویزات اسرائیل کی ایران کے خلاف ممکنہ حملے کی تیاریوں کی تفصیل فراہم کرتی ہیں۔ دستاویزات میں سے ایک کا عنوان اسرائیلی ایئر فورس کی ایران پر حملے کی تیاری جاری ہے اور اس میں حالیہ اسرائیلی مشقوں کا خاکہ پیش کیا گیا ہے جو بظاہر ایران کے خلاف ممکنہ فوجی آپریشن کی مشق ہیں۔میڈیا رپورٹس کے مطابق امریکی عہدیدار کا کہنا ہے کہ دستاویزات کا لیک ہونا تشویشناک ہے، تحقیقات میں اس بات کا جائزہ لیا جا رہا ہے کہ پینٹاگون کی مبینہ دستاویزات تک کس کی رسائی تھی۔میڈیا رپورٹس کے مطابق یہ لیک امریکا اور اسرائیل کے تعلقات کے انتہائی حساس وقت پر سامنے آئی ہے اور یہ اسرائیلیوں کو ناراض کرنے کا باعث بنے گی۔یاد رہے کہ پچھلے سال امریکی انٹیلی جنس کی ایک بڑی لیک بھی جنوبی کوریا اور یوکرین سمیت اتحادیوں اور شراکت داروں کے ساتھ امریکا کے تعلقات کو متاثر کر چکی ہے۔
