عظمیٰ نیوز ڈیسک
نئی دہلی// لوک سبھا انتخابات سے قبل الیکشن کمشنر ارون گوئل نے ہفتہ کو استعفیٰ دے دیا۔ ان کی مدت ملازمت 2027 تک تھی۔صدر دروپدی مرمو نے ان کا استعفیٰ قبول کرلیا۔ گوئل کے استعفیٰ کے بعد، اب پولنگ پینل میں دو اسامیاں ہیں۔گوئل پنجاب کیڈر کے ریٹائرڈ آئی اے ایس افسر ہیں۔ انہوں نے نومبر 2022 میں الیکشن کمشنر کا عہدہ سنبھالا تھا۔ایسوسی ایشن فار ڈیموکریٹک ریفارمز (ADR)، ایک آزاد انتخابی نگران ادارے نے ان کی تقرری کو سپریم کورٹ میں چیلنج کیا تھا۔لوک سبھا کے انتخابات اس سال اپریل-مئی میں ہونے کی امید ہے، موجودہ ایوان کی میعاد مئی 2024 میں ختم ہونے کے ساتھ ہی لوک سبھا انتخابات ہیں۔
