یواین آئی
تل ابیب// اسرائیل نے حماس کے ساتھ چار دن کی جنگ بندی کو اپنے پچاس یرغمالیوں کی رہائی کے ساتھ ساتھ جنگ کے اگلے مرحلے کی تیاری کے لیے استعمال کرنا شروع کر دیا ہے۔یہ بات اسرائیلی فوج کے چیف ترجمان ڈینئیل ہگاری نے جمعہ کے روز کہی ہے۔العربیہ کے مطابق ایک بریفنگ کے دوران چیف ترجمان رئیر ایڈمرل کا ان چار دنوں کے لیے کہنا تھا ‘ اسرائیلی فوج اپنی تیاری مکمل کرے گی اور اگلے مرحلے کے لے خود کو تیار کرے گی۔’ ان کی یہ معمول کی بریفنگ تھی۔خیال رہے اسرائیلی جنگی کابینہ کے ایک رکن بھی یہی عندیہ دے چکے ہیں کہ وقفے کے بعد بھی جنگ حماس کے خاتمے تک جاری رہے گی۔حماس نے سات اکتوبر کے غیر معمولی طور پر حیران کر دینے والے حملوں کے بعد بھی اسرائیل کی امریکی حمایت یافتہ فورسز کو مسلسل غیر معمولی مزاحمت دکھائی ہے۔
