عظمیٰ نیوز سروس
ڈوڈہ// محکمہ یوتھ سروسز اینڈ اسپورٹس جموں و کشمیر نے ڈوڈہ میں تمام عمر کے لڑکوں کیلئے ڈویژنل سطح کے کھو کھو ٹورنامنٹ کا انعقاد کیا۔بدھ کو انڈر 14 کھو کھو ایونٹ میں پہلا سیمی فائنل ڈوڈہ اور سامبا کے درمیان کھیلا گیا، جس میں ڈوڈہ نے سانبا کو 8 پوائنٹس سے شکست دی۔ دوسرے سیمی فائنل میں ادھم پور نے جموں کو 7 پوائنٹس سے ہرایا۔تیسرے مقام کے فاتح کا تعین کرنے کے لیے جموں نے سامبا کو کیل کاٹنے والے میچ میں شکست دی اور دوسرے رنر اپ کے طور پر ابھرا۔فائنل میں ادھم پور نے ڈوڈہ کو ہرا کر چیمپئن شپ ٹرافی اپنے نام کی۔ڈی وائی ایس ایس او ڈوڈہ جعفر حیدر شیخ نے جیتنے والوں میں میرٹ سرٹیفکیٹ اور ٹرافیاں تقسیم کیں۔
