عظمیٰ نیوز سروس
جموں// ادھم پور ضلع میں ایک تیز رفتار ٹرک کی زد میں آکر تین موٹر سائیکل سواروں کی موت ہو گئی۔پولیس نے منگل کو بتایا کہ جس موٹر سائیکل پر کل رات ڈوڈہ سے جموں کی طرف تین نوجوان جا رہے تھے، ادھم پور میں جموں سرینگر قومی شاہراہ پر گرنائی کے قریب ایک ٹرک سے ٹکرا گئی۔موٹر سائیکل سواروں کو شدید چوٹیں آئیں جس سے دو کی موقع پر ہی موت ہو گئی جبکہ تیسرے کی موت گورنمنٹ میڈیکل کالج اینڈ ہسپتال جموں منتقلی کے دوران ہوئی۔پولیس نے بتایا کہ مرنے والے افراد ڈوڈہ ضلع کے رہنے والے تھے جبکہ ڈرائیور کو حراست میں لے لیا گیا ہے اور اس معاملے میں ایک نوٹس لیا گیا ہے۔متوفین کی شناخت شہزاد حسین ولد عبدالعزیز ساکن چنیاس ڈوڈہ، مبشر حسین ولد غلام محمد ساکن گنڈانہ ڈوڈہ اور ومل کمار ولد رام ناتھ ساکن ٹھاٹھری ڈوڈہ کے طور پر ہوئی ۔
