عشرت حسین بٹ

پونچھ// منڈی میں ایک 25 سالہ نوجوان مقامی دریا میں ڈوب کر لقمہ اجل بن گیا ہے۔
تفصیلات کے مطابق، گزشتہ شب ضلع پونچھ کی تحصیل منڈی کے علاقہ چیمبر کناری علاقے میں ایک پچیس سالہ نوجوان نالے میں گر کر لقمہ اجل بن گیا۔
مقامی زرائع نے بتایا کہ متوفی معمول کے مطابق منڈی قصبے میں اپنی دوکان بند کر کے گھر کی طرف جا رہا تھا جس دوران علاقے میں جاری بارش کے دوران وہ گھر کے قریب پاﺅں پھسلنے کی وجہ سے وہ نالے میں گر گیا۔
اُنہوں نے بتایا کہ دیر تک نوجوان کے گھر نہ پہنچنے کے بعد اہلِ خانہ اور مقامی لوگوں نے اس کی تلاش شروع کی، جس دوران اس کی لاش چھمبر علاقے میں ایک نالے کے کنارے برآمد کی گئی۔
متوفی کی شناخت پچیس سالہ طارق احمد ولد غفار لون ساکنہ چھمبر تحصیل منڈی کے طور پر ہوئی ہے۔