عظمیٰ ویب ڈیسک
جموں/شری امرناتھ جی یاترا کے لئے منگل کی صبح 3 ہزار 5 سو سے زیادہ یاتریوں کا ایک اور قافلہ سخت سکیورٹی بند وبست کے بیچ کشمیر کے لئے روانہ ہوا۔سرکاری ذرائع نے بتایا کہ بھگوتی نگر بیس کمیپ سے منگل کی صبح 3 ہزار 5 سو36 یاتری 132 چھوٹی بڑی گاڑیوں میں کشمیر کے لئے روانہ ہوا۔
انہوں نے کہا کہ ان یاتریوں میں سے 2 ہزار 2 سو 86 یاتری جنوبی کشمیر کے ضلع اننت میں واقع ننون پہلگام بیس کیمپ جبکہ 1 ہزار 2 سو 35 یاتری وسطی کشمیر کے ضلع گاندربل کے بالتل بیس کیمپ کے لئے روانہ ہوئے۔حکام کے مطابق اب تک 3 لاکھ سے زیادہ یاتری پوتر گھپا کے درشن سے فیضیاب ہوئے ہیں۔
امسال 3 جولائی سے شروع ہونے والی یاترا 9 اگست کو رکشا بندھن کے موقع پر اختتام پذیر ہوگی۔جموں وکشمیر کے لیفٹیننٹ گورنر منوج سنہا نے 2 جولائی کو بھگوتی نگر بیس کمیپ سے پہلے قافلے کو جھنڈی دکھا کر روانہ کیا تھا۔
