اننت ناگ// جنوبی کشمیر کے اننت ناگ ضلع کے بجبہاڑہ علاقے میں منگل کو اروانی پل کے قریب پیش آئے ایک سڑک حادثے میں ایک 35 سالہ غیر مقامی خاتون کی موت ہو گئی جبکہ چار دیگر زخمی ہو گئے۔
ذرائع نے بتایا کہ اروانی پل کے قریب ٹرک اور مسافر گاڑی کے درمیان ٹکر ہو گئی۔
انہوں نے مزید کہا کہ گاڑی میں سوار پانچ افراد زخمی ہوئے جن میں سے ایک خاتون موقع پر ہی دم توڑ گئی۔
ذرائع نے متوفی کی شناخت دیال سردار زوجہ کرونا سردار سکنہ کولکتہ کے طور پر کی ہے۔
زخمیوں کی شناخت راکیش ولد رتن لال ساکن اودھم پور، نندیتا ویدی اور بہنولال چھجرویتی کے طور پر ہوئی ہے ، دونوں کولکتہ کے رہنے والے ہیں، جبکہ ایک شخص کی شناخت کی جارہی ہے۔تمام زخمیوں کو علاج کے لیے جی ایم سی اننت ناگ منتقل کیا گیا ہے۔
ایک پولیس عہدیدار نے واقع کی تصدیق کرتے ہوئے بتایا کہ اس سلسلے میں ایک مقدمہ درج کر کے حادثے کی وجودہات کا پتہ لگایا جا رہا ہے۔
بجبہاڑہ سڑک حادثہ میں خاتون سیاح ازجان، 4 دیگر زخمی
