عظمیٰ ویب ڈیسک
سری نگر/محکمہ موسمیات کے مطابق وادی کشمیر میں اگلے دو دنوں کے دوران موسم عام طور پر گرم اور مرطوب رہنے کا امکان ہے۔ تاہم اس دوران کہیں کہیں ہلکی بارشیں ہوسکتی ہیں۔محکمے نے اپنی ایڈوائزری میں کسانوں سے کہا ہے کہ وہ 3 اگست تک اپنے باغوں اور کھیت کھلیانوں میں کاشتکاری سے متعلق سرگرمیاں جاری رکھ سکتے ہیں۔
متعلقہ محکمے کے ایک ترجمان نے بتایا کہ وادی میں یکم سے 3 اگست تک موسم عام طور پر گرم اور مرطوب رہنے کا امکان ہے تاہم اس دوران کہیں کہیں گرج چمک کے ساتھ ہلکی بارشیں جبکہ جموں صوبے میں درمیانی درجے کی بارشیں متوقع ہیں۔انہوں نے کہا کہ جموں و کشمیر میں 4 سے 6 اگست تک بھی دن کے دوران موسم گرم اور مرطوب رہنے کا امکان ہے جبکہ صبح اور شام کے وقت کہیں کہیں تیز بارشوں کا امکان ہے۔
ان کا کہنا ہے کہ بعد میں 7 سے 9 اگست تک موسم گرم اور مرطوب رہنے کا امکان ہے تاہم اس دوران کہیں کہیں ہلکی بارشیں ہوسکتی ہیں۔محکمے نے اپنی ایڈوائزری میں کہا ہے کہ 4 سے 6 اگست تک جموں صوبے میں کچھ مقامات پر تیز اور بھاری بارشوں کا امکان ہے اور اس دوران کہیں کہیں سیلابی ریلے، لینڈ سلائیڈنگ اور چٹانیں کھسک آنے کے خطرات ہیں۔ایڈوائزری میں کسانوں سے کہا گیا ہے کہ وہ 3 اگست پر اپنے باغوں اور کھیے کھلیانوں میں کاشتکاری سے متعلق سرگرمیاں جاری رکھ سکتے ہیں۔
کشمیر میں یکم سے 3 اگست تک موسم گرم اور مرطوب رہنے کا امکان
