کشمیر میں اگلے دو دنوں کے دوران بارشوں کا امکان

عظمیٰ ویب ڈیسک
سری نگر/محکمہ موسمیات کی پیش گئی کے مطابق وادی کشمیر میں اگلے 2 دنوں کے دوران کئی مقامات پر رک رک کر بارش ہونے کا امکان ہے۔انہوں نے کہا کہ اس دوران جموں صوبے کے کچھ حصوں میں موسلا دھار بارش ہوسکتی ہیں۔متعلقہ محکمے کے ایک ترجمان نے بتایا کہ وادی میں 29 سے 31 جولائی تک کئی مقامات پر رک رک کر ہلکی سے درمیانی درجے کی بارشوں کا امکان ہے جبکہ اس دوران کہیں کہیں تیز ہوائیں بھی چل سکتی ہیں۔
انہوں نے کہا کہ اس دوران جموں صوبے کے جموں، ریاسی، اودھم پور، کٹھوعہ اور سانبہ میں خاص طور پر صبح اور شام کے وقت کہیں کہیں بھاری بارشوں کا امکان ہے۔ان کا کہنا ہے کہ یکم سے 3 اگست تک موسم عام طور پر گرم اور خشک رہنے کا اکہنا ہے جبکہ اس دوران کہیں کہیں گرج چمک کے ساتھ ہلکی بارشوں کا امکان ہے۔انہوں نے کہا کہ بعد میں 4 سے 6 اگست تک ایک بار پھر کئی مقامات پر ہلکی سے درمیانی درجے کی بارشوں کا امکان ہے۔
محکمے نے اپنی ایڈوائزری میں کہا کہ 29 سے 31 جولائی تک تیز بارشوں کے ساتھ تیز ہوائیں بھی چل سکتی ہیں۔انہوں نے کہا کہ کچھ مقامات پر سیلابی ریلے ، لینڈ سلائیڈنگ، مٹی کے تودے اور پتھر کھسکنے کے بھی خطرات ہیں۔ان کا کہنا ہے کہ جموں صوبے کے دریاؤں، ندی نالوں میں پانی کی سطح بڑھ سکتی ہے اور کچھ نشیبی علاقوں میں پانی جمع ہوسکتا ہے۔