عظمیٰ ویب ڈیسک
سری نگر/محکمہ موسمیات کی پیش گوئی کے مطابق وادی کشمیر میں اگلے 3 دنوں کے دوران موسم عام طور پر خشک و خوشگوار رہنے کا امکان ہے۔متعلقہ محکمے کے ایک ترجمان نے بتایا کہ وادی میں 4 سے 7 اپریل تک موسم مجموعی طور پر خشک رہنے کا امکان ہے.انہوں نے کہا کہ بعد میں 8 اپریل کو موسم دوپہر کے بعد ابر آلود رہنے کے ساتھ شمالی اور وسطی کشمیر کے پہاڑی علاقوں میں ہلکی برف باری یا بارشیں ہوسکتی ہیں ۔ان کا کہنا ہے کہ 9 اپریل کو وادی کے کئی بالائی علاقوں میں ہلکی برف باری یا بارشوں کا امکان ۔
موصوف ترجمان نے بتایا کہ 10 اور 11 اپریل کو بھی کہیں کہیں ہلکے درجے کا برف و باراں متوقع ہے۔انہوں نے کہا کہ اس کے بعد وادی میں 12 سے 15 اپریل تک موسم عام طور پر خشک رہ سکتا ہے۔
محکمے نے اپنی ایڈوائزری میں مسافروں، کسانوں اور ٹرانسپورٹروں سے کہا ہے کہ وہ ٹریفک ایڈوائزری پر عمل کریں۔کسانوں سے کہا گیا ہے کہ وہ اپنے کھیت کھلیانوں اور باغوں میں آپریشنز جاری رکھیں۔دریں اثنا وادی کے بیشتر علاقوں میں شبانہ درجہ حرارت 1 سے 2 ڈگری سینٹی گریڈ معمول سے کم ریکارڈ ہوا ہے۔وادی میں سیاحتی مقام گلمرگ سرد ترین علاقہ رہا ہے جہاں کم سے کم درجہ حرارت منفی1.5 ڈگری سینٹی گریڈ ریکارڈ ہوا ہے جبکہ جموں صوبے میں بھدوارہ سب سے سرد علاقہ رہا ہے جہاں شبانہ درجہ حرارت6.5 ڈگری سینٹی گریڈ ریکارڈ ہوا ہے۔
کشمیر میں اگلے 3 دنوں کے دوران موسم خشک و خوشگوار رہنے کا امکان
