جیلوں میں بند نوجوانوں کی رہائی کیلئے سنجیدہ کوششیں شروع کریں گے: الطاف بخاری

جموں وکشمیراپنی پارٹی کے صدر سید محمد الطاف بخاری نے کہا کہ اپنی پارٹی جلد ہی جیلوں میں بند نوجوانوں کی رہائی کیلئے سنجیدہ کوششیں شروع کرے گی تاکہ وہ اپنے اہل خانہ کے ساتھ پرامن اور معمول کی زندگی گزار سکیں۔انہوں نے کہا، ”ہمارے نوجوان پرامن اور باوقار زندگی کے مستحق ہیں چاہے ان سے ماضی میں کچھ غلطیاں ہی کیوں نہ ہوں۔ اس طرح ہم نے فیصلہ کیا ہے کہ اپنی پارٹی جیلوں میں بند نوجوانوں کی رہائی کیلئے ایک کمیٹی بنائے گی۔