ہم آج بھی ریاستی درجے کی بحالی کے لئے لڑ رہے ہیں: سریندر چودھری

عظمیٰ ویب ڈیسک
سری نگر/جموں وکشمیر کے نائب وزیر اعلیٰ سریندر چودھری کا کہنا ہے کہ نیشنل کانفرنس آج بھی جموں وکشمیر کے ریاستی درجے اور خصوصی درجے کی بحالی کے لئے لڑ رہی ہے۔انہوں نے کہاہماری سرکار طوفانوں سے لڑ رہی ہے اور ہم لوگوں کے حقوق کے لئے جدو جہد جاری رکھیں گے۔
موصوف نائب وزیر اعلیٰ نے ان باتوں کا اظہار جمعہ کو یہاں نامہ نگاروں کے سوالوں کا جواب دینے کے دوران کیا۔انہوں نے کہانیشنل کانفرنس کی قیادت آج بھی جموں وکشمیر کے ریاستی درجے اور خصوصی درجے کی بحالی کے لئے لڑ رہی ہے۔
انہوں نے کہاہمیں عوامی مینڈیٹ ان آوازوں کو سننے کے لئے ملا جن کو پچھلے دس سالوں میں نہیں سنا گیا۔ان کا کہنا تھا: ‘بدقسمتی سے پہلگام سانحہ پیش آیا جس سے جموں وکشمیر خاص کر کشمیر کو کافی نقصان ہوا اور شعبہ سیاحت سب سے زیادہ متاثر ہوا جس کی وجہ سے اس سے جڑے تمام لوگوں کو نقصان ہوا۔
چودھری نے کہاجنگ سے پونچھ میں ہمارے کئی لوگ جاں بحق ہوئے اور کافی مالی نقصان بھی ہوا۔انہوں نے کہاہمارے الرٹ جوانوں اور دفاعی نظام نے دشمن کے ڈرون حملوں کو ناکام بنا دیا۔ان کا کہنا تھاہندوستان کے لوگ جموں وکشمیر کے لوگوں سے محبت کرتے ہیں اور وہ یہاں آئیں گے۔