عظمیٰ ویب ڈیسک

نئی دہلی// نائب صدر جگدیپ دھنکھڑ جموں و کشمیر کے دورے پر روانہ ہونے والے ہیں، جہاں وہ شیرِ کشمیر یونیورسٹی آف ایگریکلچرل سائنسز اینڈ ٹیکنالوجی جموں (SKUAST) کے آٹھویں کانووکیشن میں مہمان خصوصی ہوں گے۔
آج جاری کردہ ایک سرکاری ہینڈ آوٹ میں کہا گیا، ”اپنے ایک روزہ دورے کے دوران، دھنکھڑ شیر کشمیر یونیورسٹی آف ایگریکلچرل سائنسز اینڈ ٹیکنالوجی (SKUAST) جموں کے 8ویں کانووکیشن میں مہمان خصوصی ہوں گے“۔
کانووکیشن کی تقریب کی صدارت کرنے کے علاوہ نائب صدر دھنکھڑ کٹھوعہ میں بائیوٹیک سٹارٹ اپ ایکسپو کے افتتاح کے موقع پر بھی شرکت کریں گے۔